الفرق بين الشباب والبنات

هذا وصلني عبر الايميل وحبيت انقله لكم


تفضلوا

.
.
.
.

البنات

بداية الحوار


الأولى : الله ، قصيتي شعرج !! والله طالع يهبّل !

الثانية: يعني؟ بس حسيت يوم شفت

نفسي في المنظره ان منتفش!
الأولى : لا والله .. الا طالع روعة ، وانا ودي بنفس التسريحة بس احس ان ويهي متروس شوي وما تمشي معاي هالتسريحة ، واشوف ان ما يمشي مع هالخشه الا هالتسريحة اللي تشوفيني دايما فيها .

الثانية : من صجج انتي !! انا شايفه ان ويهج اشحلاته ، وتمشي معاه كل التسريحات وتطلع احلى بعد ، مو نفسي .. ما أقدر اختار الا تسريحات معينة تخلي الناس ما ينتبهون حق رقبتي اللي جنها رقبة زرافة .
الأولى : شهالكلاااام .. والله رقبتج حلوه وودي بمثلها عشان تصرف النظر عن جتوفي اللي جنها جتوف لاعب الفوت بول الامريكية .

الثانية : مو صاحية انتي ! ، والله كل البنات اللي اعرفهم في الجامعة يتمنون جتوف مثل جتوفج ، يعني ما تتعبين بتجربة الملابس اليديدة .. انتي شوفي اديني اشصغرهم .. لو عندي جتوف مثل جتوفج جان ما تبهذلت اذا شريت ملابس يديدة وتطلع قياساتها مضبوطة !

انتهى الحوار


الشباب

بداية الحوار


الأول : قصيت شعرك ؟
الثاني : اي .

انتهى الحوار